حب العمر
مرحبا بكِ في منتدى حب العمر
يسعدنا اشتراكك معنا و نتمنى ان تستفيدي وتسعدي بالصحبة الصالحة والنصائح في المنتدى
مع اطيب التمنيات
ادارة منتدى حب العمر

ملاحظة: لا تردي على هذه الرسالة لأنها مرسلة اوتوماتيكيا بواسطة المنتدى للعضوات الجدد

حب العمر

منتدي نسائي...لكل إمرأة تبحث عن التميز والجمال  
الرئيسيةالرئيسية  اليوميةاليومية  س .و .جس .و .ج  بحـثبحـث  الأعضاءالأعضاء  المجموعاتالمجموعات  التسجيلالتسجيل  دخولدخول  

شاطر | 
 

 اخطر حاجة بنعملها في حياتنا من غير مانقصد

اذهب الى الأسفل 
كاتب الموضوعرسالة
نور العرابي




عدد المساهمات : 135
التقييم : 393
تاريخ التسجيل : 12/06/2012

مُساهمةموضوع: اخطر حاجة بنعملها في حياتنا من غير مانقصد   الثلاثاء 19 يونيو - 18:34:09

اولا الموضوع دا انا مش عارفه احطو في اي قسم لانو يشمل اقسام كتير بس حسيت ان دا اكتر قسم مفيد ليه لان الحجات دي بتصدر من النفسيه السيئه وعدم الوعي البشري


هنبتدي
فيه ناس الصبح بتصحي وتكسل تغسل وشها صح؟
عارفين ان دا طبعا خطر جدا ع الوجه لان بشرتك بتبقي عليها زيوت وبتلم اتربه والسلوك دا ناتج عن النفسيه السيئه بعيد طبعا عن العادات السيئه


ياسلام ع قاعده الصحاب والنم والحكاوى ولما تيجي سيره واحده انتى بتكرهيها اول حاجة تقوليها بقولكم ايه افتكرولنا حاجة كويسه

بتاخدي ذنب كبير اووى ع الكلمه دي لان مافيش احسن من حاجة ربنا ابدع فيها ونفخ فيها الروح وممكن تبقي قاعده معاكم واحده متعرفهاش فبتخليها تاخد عنها فكره سيئه من قبل ماتشوفها مع ان ممكن البنت تبقي كويسه وانتى اللى فهماها غلط



ولا ياسلام لما جوزك يبقي مزعلك وترفعي سماعه التليفون ع مامتك ايوة يا ماما شفتى ابن التييييييييييت دا عمل ايه وايه وايه وايه
نسيتى في لحظه اسرار البيوت والموده والرحمه اللى ربنا وضعهم بينكم وان انتى مفروض تبقي الزير اللى يرمى فيه اسراره
ولو هو اللى عمل كدا يبقي نهارو مش فايت وازاى يطلع عيوبك لمامتو


فاكره لما كنتى ماشيه مع صاحبتك وشفتى بنت لبسها مش حلو وقلتى ايه القرف اللى هى عملاه دا
مفكرتيش انها ممكن تبقي معهاش فلوس تجيب لبس زيك او مثلا معاها فلوس كتير بس ربنا مدهاش موهبه انها تعرف تلبس كويس زيك دا بدل ماتقولى الحمد لله


طب بقي فاكره البنت اللى رقعت ضحكه عاليه قدامك وانتى بصتلها من فوق لتحت وقلتى ايه ضحكه الرقاصين دي مع انها ممكن تبقي نسيت نفسها شوية ومخددش بالها والضحكه طلعت عاليه غصب عنها بدل ماتقولى ربنا يهديها خدتى زنوب زيها


طب فاكره لما مامتك زعقتلك ورحتى انتى عليتى صوتك عليها وفي لحظه نسيتى تعبها فيكي ودموعها عليكي وانتى تعبانه ونسيتى لما كانت بتفضل رايحه جايه بيكي وانتى صغيره علشان تنامى


طب اكيد بقي فاكره لما جت سيره جارتك في الكلام ورحتى انتى قايله عليها دي بنت صايعه مع ان هى كويسه جدا بس طايشه شوية ومش بتعرف تحكم تصرفاتها قولي ربنا يهديها بينك وبين نفسك دا انتى وليه زيها واكيد ربنا هيرزقك ببنت متعرفيش الناس هتقول عنها ايه


ولا واحنا في الكليه بقي لما تعدي قدامنا بنت زي القمر واستايل وكل حاجة واحنا نبصلها من فوق لتحت ونقول مش حلوة يعنى واخده في نفسها قلم كدا ليه هههههههههههه بنبقي بنهري وننكت في نفسنا مع اننا ممكن نقول ماشاء الله ربنا يزيدها جمال


طبعا طولت عليكم هتقولولى وايه علاقه اللى انتى بتقوليه بالقسم دا هاقولكم اهو

انتى لما بتبقي نفسيتك وحشه بتنطبع ع تصرفاتك من غير ماتقصدي وممكن تقولى كلام انتى شيفاه عادي جدا وهو صعب اوى وتعملى تصرفات غريبه علشان كدا لازم نتحكم في تصرفاتنا وكلامنا مع الناس

ولما بتتكلمى ع حد وحش زي ماحنا عارفين ان الكلمه بتقعدلك وبتتقال عليكى والله العظيم عن تجربه
ولما بتقولى عن حد حلو انو زي القمر بتبقي روحك حلوة وزي ماحنا عارفين ان الروح الحلوة بتنطبع ع الوش فطبيعي هتبقي انتى كمان زي القمر

اما بقي مامتك اللى انتى زعقتلها فسلوكياتك بتكبر معاكى وبتنقليها لبنتك او ابنك من وهما لسه في بطنك برضو من غير ماتقصدي دا بجانب طبعا ان ربنا هيغضب عليكي واياكى وغضب ربنا


اما بقي البنت اللى عيبتى عيلها في الشارع دي فهي كمان بتقول عليكي مش مقدره النعمه اللى في ايدك



خلاصه اللى بحكيه دا كلو بقي ايه


حطي نفسك في مكان اللى قدامك قبل ماتقولى ان كلمه لان الكلام بيوجع مع انو كلام بس ليه تأثير كبير اوى والمرء بيعرف بلسانه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
اخطر حاجة بنعملها في حياتنا من غير مانقصد
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
حب العمر :: أقسام الصحة والرشاقة :: العيادة النفسية والتنمية البشرية-
انتقل الى: