حب العمر
مرحبا بكِ في منتدى حب العمر
يسعدنا اشتراكك معنا و نتمنى ان تستفيدي وتسعدي بالصحبة الصالحة والنصائح في المنتدى
مع اطيب التمنيات
ادارة منتدى حب العمر

ملاحظة: لا تردي على هذه الرسالة لأنها مرسلة اوتوماتيكيا بواسطة المنتدى للعضوات الجدد

حب العمر

منتدي نسائي...لكل إمرأة تبحث عن التميز والجمال  
الرئيسيةالرئيسية  اليوميةاليومية  س .و .جس .و .ج  بحـثبحـث  الأعضاءالأعضاء  المجموعاتالمجموعات  التسجيلالتسجيل  دخولدخول  

شاطر | 
 

 اتيكيت الأكل بالنقاب

اذهب الى الأسفل 
كاتب الموضوعرسالة
نور العرابي




عدد المساهمات : 135
التقييم : 393
تاريخ التسجيل : 12/06/2012

مُساهمةموضوع: اتيكيت الأكل بالنقاب   الثلاثاء 19 يونيو - 18:55:44

ا - خلى فى شنطتك دايماً شاليموهات
انا بشترى كيس كبير من اى بتاع منظفات او بلاستيكات وبيقعد معايا كتير اوى ومش غالى خالص ب 4 جنيه تقريباً
وده عشان تشربى ميه او عصير براحتك خالص من غير ماالنقاب يترفع
شوفوا الصورة دى بتشرب كانز بشيلموه ومافيش اى مشكلة ابتسام جميل

الإتيكيت الأكل بالنقاب رااااااااءع

2 - لو زوجك اللى عازمك حاولى تاكلى فى مكان الاكل فيه ساندويتشات
وطبعاً ده سهل جداً ومتوافر فى فى مكان .. وكده هتدخلى الساندويتش وتاكلى براحتك
وانا عن نفسى النقاب مريحنى جداً جداً فى النقطة دى لانى بتكسف آكل برهمحرجة .

3 - لو معزومة على اكله سمك او اكل بشوكة وسكينه
برضة ولا يهمناااااا
انا عن نفسى بعمل ايه
عندى نقاب الشكل ده

الإتيكيت الأكل بالنقاب رااااااااءع

اسمه نقاب يَمنى
وانا عن نفسى مسمياه نقاب الخطوبة سعيدة قوي

ليه بقى ؟

عشان لما ابقى عارفة ان الاكل ممكن يبهدل نقابى
او فى شوربة او كدة اروح رافعة نقابى الاساسى والبس النقاب ده
واكل براحتى وارجع ابدله
طبعاً فى فكرة افضل منه وهى النقاب اللى بيتقلب على وجهيين
لكن للاسف انا ماعرفتش اتوصل ليه فصرفت نفسى بقى .

4 - خلى فى شنطتك دايماً مناديل مبلله Wipes

اى نوع تحبيه وانا عن نفسى بستخدم ايزى كير جميل اوى
اظن فى الحدود من 5 ل 7

الإتيكيت الأكل بالنقاب رااااااااءع

وده عشان لو النقاب اتبهدل منك تمسحيه بكل سهوله ومايسبش اى اثر .

5 - لفة النقاب نفسها ممكن تريحك
يعنى ابعدى تماماً عن النقاب القصير واللى عرضة قليل من الجانبين
لانك مجرد ماتحاولى تاكلى ممكن جداً وشك يبان
بصوا انا بربط نقابى بطريقتين
الأولى طرحة لف طويلة
والتانية ادخل النقاب جوا كاب او ملحفة
الطرحة زى الصورة دى
بجيب طرف الطرحة لما اجى اكل ومش بيبين اى حااااجة


وده الكاب الشيفون جميل اوى وبدخل النقاب جوه الكاب واكل او اشرب من جوه
وكذلك برضة الملحفة

الإتيكيت الأكل بالنقاب رااااااااءع


6 - انصحكم نصيحة بالله عليكم ماترفعوا النقاب بره
لانك ماتضمنيش ممكن يكون حد شايفك وانتى مش واخدة بالك , وافتكرى دايماً انك بتنقلى صورة للنقاب .. ربنا يجعلنا يارب صورة مشرفة للنقاب .

7 - وانا بعمل سيرش لقيت بنات كاتبيين على مطاعم فيها اكشاك للعائلات وطبعاً بتكون مغلقة
وده اللينك اللى فيه الردود فشوفوه ان شاء الله يفيدكم
عاوزة مطعم عائلات ينفع المنتقبات في القاهرة الكبرى .

8 - لكل اللى ممكن تشوف الموضوع كبير وليه كل ده ونقعد فى بيتنا احسن
هقولكم والله انا منتقبه وبنزل كتير لجامعتى والحمد لله بعمل كل حاجة من غير اى قلق
ولما بنزل مع زوجى ببقى فرحانه اوى والنقاب مش عاملنا اى مشكلة بفضل الله ابتسام جميل
والحمد لله بتفسح واخرج واعيش حياتى .. امال يعنى المنتقبات ضاربين بوز ؟!سعيدة قوي .

9 - ربنا يهدينا و يثبتنا جميعاً يارب والجنه تمنها غالى اوى يا بنات .. خلى حجابك لله وان غرضك منه الستر عشان تاخدى ثوابه .

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
اتيكيت الأكل بالنقاب
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
حب العمر :: الأقسام المنزلية :: اتيكيت-
انتقل الى: