عمرو قطامش رساله الى القادم

انذار للقادم منا
لا تعبث فالعبث خطير
مصر سنفديها ولن نيأس مهما صار وكيف يصير
لن نسكت ابدا ولدينا يوم الجمعة والتحرير
....
اى مرشح مهما ان كان
ينجح يعمل شغل زمان
يجعل مصر بلا عنوان
اوعاك تقلق منه يا مان خد بطيخة الاطمئنان
عندك شعب وعنده ميدان
يجعل مصر الحر حبيسة
يقلب كل سنينا كبيسة
يحرقلنا ماتشين وكنيسة
هنشقلطه نعمله لبيسة
ونطير منه الروقان
عندك شعب وعنده ميدان
....
واليكم من الشعب رسالة يفهمها عيل بريالة
عندنا للفاسد نقاله والثورة دايما شغالة
هتدبح كل الخرفان
عندك شعب وعنده ميدان
حلمنا اصلا حلم بسيط
كاملين السكر والزيت ومواصلة ترجعنا البيت
اوعى تظن الشعب عبيط
بيناير شوفنا قد كان
عندك شعب وعنده ميدان